Koronavirusi: çast pas çasti
Shërohet nga koronavirusi “Pacienti Nr. 1” i Italisë. Ja cili është mesazhi i tij
Ai ishte shtruar në spital me gruan e tij që ishte në muajin e tetë të shtatzënisë e cila ndërkohë po ashtu është shëruar
Për të gjithë italianët, të cilët janë dridhur për jetën e tij, ai është “pacienti 1”. Ndërsa për mjekët e Spitalit Pavia, të cilët e kanë trajtuar atë për më shumë se një muaj, ai është thjesht Mattia.
Italiani i parë i infektuar me koronavirus tashmë është shëruar dhe është larguar nga spitali ku ka qëndruar për më shumë se 30 ditë, shkruajnë mediat italiane.
“Më e bukura është të jesh në gjendje të marrësh përsëri frymë lirshëm,” ka thënë lombardiani i shëruar.
Lajmi se menaxheri 38-vjeçar i koncernit “Unilever” ishte i pari italian që vuante nga Covid-19 pati tronditur vendin më 20 shkurt, si një tërmet, transmeton albinfo.ch. Që atëherë, epidemia ka shpërthyer në Itali me të madhe, duke shuar më shumë se 6000 jetë.
Mattia, gjendjen e të cilit mjekët e kishin përshkruar si kritike, me siguri ishte infektuar në spitalin e qytetit Lombard Codogno. Ai ishte shtruar në spital me gruan e tij që ishte në muajin e tetë të shtatzënisë e cila ndërkohë po ashtu është shëruar, përcjell albinfo.ch. Mattia tashmë, të hënën ka qenë në gjendje të kthehej në shtëpi. Dhe pas disa ditësh ai do të jetë babai i një vajze.
«Më e bukura? Momenti kur fillova përsëri të marr frymë. »
Por as kjo histori nuk mbaroi me hepiend… Babai i tij 62-vjeçar Moreno është një nga dhjetë të vdekurit, viktima të koronavirusit në qytetin lombard Castiglione d’Adda, përcjell albinfo.ch. Ky qytet u shpall zonë e bllokuar më 21 shkurt.
Të ngjashme
Të tjera nga Koronavirusi: çast pas çasti
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?