Lajme
Mjekja shqiptare në Gjermani tregon se kur mund të kemi vaksinën
Federata e Mjekëve Shqiptarë në Europë këshillon popullatën dhe profesionistët e shëndetit të RUAJNË QETËSINË ndaj mundësisë së infektimit me koronavirus. Vaksina ndaj koronavirusit është në ardhje, shprehet mjekja shqiptare Aurora Meta, transmeton albinfo.ch.
Gjatë një bisede nga Hamburgu me A2, Aurora Meta Dollenberg, nënkryetare e Federatës së Mjekëve Shqiptarë në Diasporë, bëri edhe një parashikim se kur mund të kemi një vaksinë ndaj koronavirusit.
“Kanë filluar në Gjermani punimet nëpër laboratorë për të zhvilluar vaksinën ndaj tij. Nga eksperienca mund të themi se kur ka pasur influenca, pas dy muajsh është arritur të zhvillohet edhe një vaksinë. Mund të them se përafërsisht të paktën pas katër deri në gjashtë javë duhet të ketë ndonjë rezultat për sa i përket vaksinimit”, tha ajo.
Po ashtu, ajo shpjegoi se pavarësisht se në Gjermani janë shënuar 2 viktima nga koronavirusi dhe mbi 1200 persona janë infektuar, mjekët atje nuk janë në gjendje alerti, ndërsa jeta vazhdon normalisht. “Nuk duhet lënë pa përmendur se gati 80% e personave të infektuar janë shëruar”, tha ajo. “Edhe pse numri i rasteve pozitiv është në rritje, nuk paraqet alarm për sistemin shëndetësor. Landet janë të përgatitur për përhapjen e virusit. Gjermania nuk është në gjendje alarmi, si Italia”.
Duke bërë apel për sa më shumë qetësi, për të shmangur panikun, Aurora Meta Dollenberg shtoi se koronavirusi është i ngjashëm me gripin. “Baza e trajtimit është izolimi, sepse kapacitetet e spitaleve janë të ulëta. Edhe nga ana mjekësore nuk është e nevojshme që këto persona të qëndrojnë në spitale. Duhet thjesht marrja e sa më shumë lëngjeve, supave, një dietë e pasur me proteina, të cilat mundësojnë prodhimin e antitrupave të nevojshëm ndaj virusit”, tha ajo. /Albinfo.ch
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë