Qeveria: Duke mbajtur distancë, parandaloni infektimin me koronavirus

Tani rekomandohet të mbani distancë mes vete, ka thënë Berset. Kjo vlen sidomos për njerëzit e moshuar që janë veçanërisht në rrezik

Ministri Federal që mbulon shëndetësinë Alain Berset dhe Heidi Hanselmann, Presidente e Konferencës së Drejtorëve Kantonalë të Shëndetësisë, kanë informuar në një konferencë për media të mbajtur mbrëmjen e të mërkurës në Bernë për përhapjen e virusit të koronës.

Tani rekomandohet të mbani distancë mes vete, ka thënë Berset. Kjo vlen sidomos për njerëzit e moshuar që janë veçanërisht në rrezik, shkruan srf.ch.

Siç është raportuar tashmë, të premten e javës së kaluar, Këshilli Federal pati ndaluar ngjarjet me më shumë se 1.000 pjesëmarrës, transmeton albinfo.ch. Tani Hanselmann sqaroi se për ngjarjet me më pak se 1.000 njerëz, kantonet duhet të bëjnë një vlerësim të rrezikut me organizatorët.

Në konferencën e përmendur për shtyp, ai dhe Heidi Hanselmann kanë nxjerrë një rekomandim të ri të sjelljes. Sipas tij, qytetarët duhet të mbajnë distancë në publik në mënyrë që të mos rrezikohen grupet më të prekura. Kjo distancë fizike nga njerëzit e tjerë është e rëndësishme për mbrojtje, përcjell albinfo.ch. Konfederata dhe kantonet gjithashtu kanë përcaktuar se si duhen planifikuar aktivitetet publike.

Aktivitetet me deri në 150 njerëz ende mund të zhvillohen pa u konsultuar me kantonet. Për aktivitetet me më shumë pjesëmarrës se kaq, kantonet duhet të konsultohen dhe të vlerësojnë rreziqet.

Është interesante se në Zvicër, janë posaçërisht të prekur personat 20-40 vejçarë. Këta janë ata që kanë udhëtuar dhe kanë pasur më shumë kontakte sociale, ka thënë Samuel Koch nga BAG. Prandaj, kjo është arsyeja pse deri më tani nuk ka ndonjë rast serioz në Zvicër. Por, sipas ekspertit, kjo është çështje kohe. “As në Zvicër nuk ka gjasa që të shmangen vdekjet” nga virusi.

Sot të sëmurët janë izoluar në spitale. Sipas Koch, ky regjim nuk mund të mbahet pafundësisht, transmeton albinfo.ch. Kjo është arsyeja pse është e rëndësishme të përdoren burimet ekzistuese në mënyrë ekonomike. Sipas tij, për momentin ekzistojnë ende teste të mjaftueshme. Kapaciteti aktualisht është rreth 1000 teste në ditë.

---