Zvicër: 935 milionë franga për kulturën, 210 milionë vetëm për filmin

Shumica e fondeve të përcaktuara nga qeveria, pritet derdhen në film. Fondet për këtë fushë arrijnë në 209.1 milion CHF për katër vjet

Gjatë katër viteve të ardhshme, artistët dhe krijuesit zviceranë do të marrin rreth 930 milion franga nga fondet e qeverisë qendrore. Kjo shumë është pak më e madhe  se sa ajo e periudhës aktuale (2017-2020)., shkruan srf.ch.

Përkundër kritikave të shumta, Këshilli Federal këmbëngul  t’i përmbahet një rregulloreje për ofertuesit e huaj të transmetimeve dhe për stacionet televizive, ka shkruar në një komunikatë të saj qeveria e vendit.

Platformat si Netflix ose Disney Plus duhet të investojnë së paku katër përqind të fitimeve të tyre në filmin zviceran, transmeton albinfo.ch. Për më tepër, të paktën tre nga dhjetë filmat e ofruar duhet të jenë prodhime evropiane.

Partitë si SVP, FDP dhe shoqata të ndryshme tregtare kishin kritikuar më parë ashpër këtë rregullore. Parlamenti pritet të vendosë përfundimisht lidhur me përcaktimin  e qeverisë për financimin e kulturës.

Nga ana e saj, Qeveria Federale me financimin prej  934.5 milionë frangash në kulturë – për shkak të një korrigjimi të inflacionit, numri i bie të investojë pak më pak se në periudhën e deritashme.

Shumica e fondeve të përcaktuara nga qeveria, pritet derdhen në film. Fondet për këtë fushë arrijnë në 209.1 milion CHF për katër vjet. Paratë, në këtë kuadër, do të shkojnë në financim të filmit dhe të kulturës së filmit, ndërsa fonde të mëtejshme janë planifikuar gjithashtu për “Cinémathèque Suisse”.

Ndër përfituesit më të mëdhenj është fondacioni “Pro Helvetia”, i cili nga qeveria do të financohet me 180.4 milionë franga.

---