Lajme
Zvicra është destinacioni më i sigurt i udhëtimit në botë
Zvicra është i vetmi vend në listë që shënoi më shumë se 90 pikë nga 100 në të gjitha kategoritë kryesorepër sigurinë e përgjithshme në botë

Sipas renditjes së vitit 2020 të vendeve më të sigurta në botë nga faqja e internetit të sigurimit të udhëtimit “Insurly” Zvicra është renditur si destinacioni më i sigurt i udhëtimit në botë, transmeton albinfo.ch.
Rezultatet më të larta që Zvicra mori janë shkaku i një larmie faktorësh. Nga 180 vende në të gjithë botën bazuar në rreziqe të ndryshme që mund të ndodhin kur njerëzit udhëtojnë, duke përfshrë numrin vjetor të turistëve të vrarë ose të plagosur në rrugë, rreziqet e epidemive, dhunës, terrorizmit, fatkeqësive natyrore, si dhe nëse linjat ajrore që fluturojnë brenda dhe jashtë vendit, Zvicra është zgjedhur destinacioni më i sigurt i udhëtimit në botë
Zvicra është i vetmi vend në listë që shënoi më shumë se 90 pikë nga 100 në të gjitha kategoritë kryesore, shkruan The Local.
Ajo shënoi 98 pikë për disponueshmërinë e transportit, 92 pikë për shëndetin, dhe midis 90 dhe 91 pikëve në rreziqe të dhunës dhe katastrofave natyrore.
nga ana tjetër, Singapori është në vendin e dytë për sa i përket sigurisë. Nga 10 pozicionet kryesore, tetë janë zënë nga vendet evropiane: Norvegjia (3), Luksemburgu (4), Qipro (5), Islanda (6), Danimarka (7), Portugalia (8) dhe Finlanda (9).
Në anën e kundërt të spektrit, tre destinacionet më të rrezikshme për udhëtarët ishin Sudani i Jugut, Republika Demokratike e Kongos dhe Republika Qendrore e Afrikës.
Duhet theksuar se një faktor i rëndësishëm është krimi, dhe Zvicra ka një nga nivelet më të ulëta në Evropë.
Një raport i vitit 2019 zbuloi se kur bëhet fjalë për krimin e raportuar në Zvicër, tendenca e përgjithshme është në rënie. Në vitin 2018, policia regjistroi 432.754 shkelje të kodit penal. Kjo është ulur 1.4 përqind më 2017 dhe një total 18 përqind më poshtë në shifrën e vitit 2014.
Po ashtu, në një studim thuhet se rrugët e Zvicrës janë ndër më të sigurtat në botë.
Një raport i lëshuar në janar 2020 zbuloi se rrugët e Zvicrës janë të sigurta – dhe çdoherë e më shumë po bëhen më të sigurta.
Vetëm tre vende në botë kanë një shkallë më të ulët të vdekjes në rrugët e tyre – Singapori, Irlanda dhe Suedia – ndërsa vetëm dy vende kanë një rrezik më të ulët të vdekjes në shembullin e një dëmtimi në rrugë (Sllovenia dhe Zelanda e Re). /Albinfo.ch.
Të ngjashme
Të tjera nga Lajme
E-Diaspora
-
Ka ushtruar dhunë mbi gruan: Kosovari lejohet të qëndrojë në Gjermani, për shkak të martesës! Si argument për qëndrimin e tij të përkohshëm në Gjermani, gjykata përmend faktin se gruaja e...
-
Mërgimtarit nga Suedia i vidhen mijera euro, stoli ari dhe dokumente në Kosovë
-
Enesi shënon sukses në Implantologji dhe Rigjenerim Kockor në Universitetin e Romës
-
Halili+Partner Ingenieure nga Zvicra vlerësohet në Oman me vendin e dytë
-
Kjo është gjendja në pikëkalimet kufitare me Kosovën
Jeta në Austri
-
Austri: Nga viti 2026, mbrojtje më e fortë për punonjësit ndaj të nxehtit ekstrem Punonjësit që punojnë në ambiente të hapura do të përfitojnë nga mbrojtje më e mirë ndaj...
-
Borxhi i Austrisë arrin në 412.6 miliardë €
-
Austri: 27% e të rinjve me prejardhje migrante braktisin herët shkollimin
-
Gjermania do të ndjekë shembullin e Austrisë dhe do të deportojë sirianët e dënuar
-
Banka Qendrore e Austrisë instalon bankomate për të kapërcyer hendekun rural të parave të gatshme