Vjosa Osmani: “Gratë në udhëheqje, gratë në qeverisje, po, ne mundemi”

Për herë të parë në histori të Kosovës shtatë gra do të udhëheqin me dikastere të ndryshme

Së fundmi, në një postim në rrjetin social Facebook, Kryeparlamentarja e Kosovës, Vjosa Osmani, ka shpërndarë në rrjetin social një fotografi, ku shihen gratë më të fuqishme të Qeverisë Kurti që do të udhëheqin me dikastere të ndryshme, shkruan albinfo.ch.

Ajo ka shkruar në këtë post se “gratë mund të udhëheqin, gratë mund të qeverisin, #YesSHECan“.

Për herë të parë në histori, në Qeverinë e Kosovës, kemi kryeparlamentaren e Kuvendit të Kosovës, Vjosa Osmani dhe nënkryetare të këtij institucioni Arbërie Nagavci  si dhe pesë ministri do të udhëhiqen nga gratë.

Kjo është barazia gjinore për herë të parë në Qerverinë e Kosovës. Me 66 vota për dhe 10 abstenime, deputetët e Kuvendit të Kosovës të hënën e kanë votuar Qeverinë e re, e cila do të udhëhiqet nga Albin Kurti.

Ministre e Drejtësisë – Albulena Haxhiu (LVV)

Ministre e Arsimit Shkencës Teknologjisë dhe Inovacionit -Hykmete Bajrami (LDK)

Ministre e Ekonomisë, Punësimit Tregtisë, Industrisë, Ndërrmarrësisë dhe Investimeve Strategjike – Rozeta Hajdari (LVV)

Ministre e Kulturës, Rinisë dhe Sportit – Vlora Dumoshi (LDK)

Ministre e Administrimit të Pushteti Lokal – Emilia Rexhepi (Grupi 6+)

 

 

---