Kosova
Numër shqetësues i bizneseve të shuara më 2019 në Kosovë
Shkaqet për mbyllje të bizneseve janë ndryshimi i legjislacionit ose udhëzimeve administrative, mosdorëzimi i raporteve vjetore sipas të hyrave financiare dhe aktiviteti i ulët ekonomik.
Trendi i regjistrimit dhe shuarjeve të bizneseve në Kosovë ka vazhduar edhe gjatë vitit 2019 me ritëm të njëjtë, ndërsa numri i bizneseve të shuara për një vit po konsiderohet të jetë shqetësues për ekonominë e vendit.
Drejtori i Drejtorisë në Agjencinë e Regjistrimit të Bizneseve (ARBK), Mehdi Pllashniku, thotë se në vitin që lamë pas janë shuar 1 mijë e 774 biznese, prej tyre 11 kompani të huaja.
Pllashniku thotë se vetëm në muajin janar të këtij viti, 518 biznese janë regjistruar, ndërsa janë mbyllur 71 sosh.
Kryetari i Odës Ekonomike të Kosovës(OAK), Berat Rukiqi, shprehet se në vendet e tjera edhe mund të jetë shkallë më e ulët e bizneseve të shuara, mirëpo procedurat e falimentimit dhe mbylljes janë shumë më të rënda dhe kjo i dekurajon shumë bizneset që të hyjnë në këto proceduara, përderisa në Kosovë nuk ka fare burokraci për mbylljen e bizneseve.
Rukiqi thotë se bizneset për shkak të obligimeve, edhe për shkak të procedurave të caktuara marrin vendim për mbylljen e bizneseve.
Edhe eksperti i ekonomisë, Mustafë Kadriaj, thotë se si rezultat i performancës së dobët ekonomike të bizneseve në vend, është rritur në vazhdimësi numri i kompanive të shuara.
Përveç kësaj, Kadriaj thotë për shkak të vështirësive në qasje financiare dhe normat e lata të kredive, shumica e bizneseve janë të detyruara të dështojnë.
Sipas të dhënave të ARBK-së, në vitin 2018 ishin regjistruar 9 mijë e 967 biznese, ndërsa janë mbyllur 1 mijë e 890, shkruan KP, përcjell albinfo.ch.
E-Diaspora
-
Merakli t’kerreve: U ndihmojmë mërgimtarëve veçmas në kufij Marakli t’kerreve vitin e kaluar organizuan “Diaspora Meeting”, duke dhënë spektakël me markat e veturave luksoze...
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë