Policia e Cyrihut do të tregojë kombësinë e të dyshuarve dhe viktimave

Parlamenti i Kantonit të Cyrihut ka miratuar sot një kundërpropozim të Qeverisë së Kantonit, ndaj një iniciative popullore të SVP-së

Policia në kantonin e Cyrihut, në të ardhmen duhet të publikojë kombësinë e autorëve të dyshuar për vepra penale. Parlamenti i Kantonit të Cyrihut ka miratuar sot një kundërpropozim të Qeverisë së Kantonit, ndaj një iniciative popullore të SVP-së, njofton sda.ch.

Për dallim nga  iniciativa, policia, sipas kundërpropozimit të përmendur, duhet të përmbahet nga emërtimi i prejardhjes së huaj që mund të ketë ndonjë person me shtetësi tashmë zvicerane, i cili është i dyshuar për ndonjë delikt ose që është viktimë e një delikti.

Nëse SVP tërhiqet nga iniciativa e përmendur e saj, atëherë kundër-propozimi automatikisht do të hyjë në fuqi, transmeton albinfo.ch. Por nëse ajo tërhiqet, çështja do të vendoset me referendum. SVP ka paralajmëruar se i duhen katër javë për të vendosur se si do të veprojë lidhur me këtë çështje.

Në nëntor të vitit 2017, policia në Kantonin e Cyrihut pati njoftuar se nuk do të bënte më identifikimin e kryerësve të delikteve sipas kombësisë së tyre, përcjell albinfo.ch. Kjo kishte shërbyer si shtysë për SVP-në që të fillonte iniciativën e saj popullore në kundërshtim me  vendimin e përmendur.

---