Bota
Akuzat ndaj Trumpit në Senat, në fillim të javës tjetër
Dhoma e Përfaqësuesve, e udhëhequr nga demokratët, do të dërgojë akuzat formale kundër presidentit të SHBA-së, Donald Trump, në Senat në fillim të javës së ardhshme, ka deklaruar Nancy Pelosi të premten.
Kryetarja e Dhomës së Përfaqësuesve, Pelosi, ka qenë e angazhuar në diskutime për tri javë me liderin e shumicës në Senat, Mitch McConnell, lidhur me gjykimin e Trumpit në Senat.
Demokratët kanë kërkuar përfshirjen e deklaratave të dëshmitarëve dhe provave për presionin e presidentit Trump ndaj Ukrainës rreth hetimeve ndaj presidentit dhe ish-zëvendëspresidentit Joe Biden.
McConell nuk e mbështeti këtë ide, duke theksuar se ka mjaftueshëm vota të republikanëve për të filluar gjykimin pa pasur nevojë të dëgjohen dëshmitarë të tjera, duke përfshirë këshilltarin e sigurisë kombëtare të Trumpit, John Bolton.
Demokratët janë duke tentuar të bindin disa republikanë të moderuar për të lejuar dëshmitarë të rinj.
Senati pritet të gjykojë Trumpin para fillimit të fushatës presidenciale.
Presidenti akuzohet për shpërdorim të pushtetit dhe pengim të punës së Kongresit.
Hetimi ndaj tij filloi pasi një informator i paidentifikuar e informoi Kongresin për një telefonatë midis presidentit Trump dhe homologut të tij ukrainas, Volodymir Zelenksyit, e zhvilluar në korrik të këtij viti, shkruan evropaelire. Sipas tij, gjatë bisedës, Trump i kishte kërkuar Zelenskyit që Ukraina të hetojë për korrupsion, rivalin e tij politik, Joe Biden dhe djalin e tij Hunter.
Joe Biden është ndër pretendentët kryesorë për të fituar nominimin e demokratëve për zgjedhjet presidenciale të vitit 2020.
Trump gjithashtu akuzohet se ka kushtëzuar një ndihmë financiare të SHBA-së për Ukrainën, në këmbim të hetimeve të kërkuara.
Të ngjashme
Të tjera nga Bota
E-Diaspora
-
Zvicër: Kjo anije është rezervuar për shqiptarët Anija që po mbledhë shqiptarët më të suksesshëm të Zvicrës është gati për të shtunën më 8 qershor 2024...
-
Prezantohet në Vjenë platforma “Made in Kosova“
-
Shaqiri lë pas dëmtimin, i gatshëm për Evropianin
-
“Alba Festival” mbahet në zemër të Cyrihut me “Line Up-in” më të mirë ndonjëherë
-
Arba Kokalari dhe Adnan Dibrani, drejt Parlamentit Evropian
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigan janë gjetur në bodrumin e shtëpisë
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë