Shqipëria

Pacolli dekorohet nga Meta për ndihmën për të prekurit nga tërmeti në Shqipëri

Ministri në largim, Pacolli nga buxheti i tij personal ka ndarë për të prekurit e tërmetit 1 milion euro

E premte, 27 Dhjetor 2019 - 19:27 albinfo.ch
Presidenti i Shqipërisë, Ilir Meta, ka ndarë mirënjohje për ministrin në detyrë të Punëve të Jashtme të Kosovës, Behgjet Pacolli, për kontributin që ai e ka dhënë për të prekurit e tërmetit të 26 nëntorit.
Përmes një postimi në llogarinë e tij në Twitter, Meta ka shkruar se dekoruar Pacollin me dekoratën “Nënë Tereza”, si një shembull i solidaritetit kombëtar. “Për kontributin e spikatur humanitar&ndjeshmërinë e lartë të treguar ndaj popullit të Thumanës&të mbarë, si shembull i solidaritetit kombëtar, pata kënaqësinë të vlerësoja me Dekoratën “Nënë Tereza” politikanin, sipërmarrësin dhe filantropin e shquar të Behgjet Pacollit”, ka shkruar Meta.Ministri në largim, Pacolli nga buxheti i tij personal ka ndarë për të prekurit e tërmetit 1 milion euro.

Më 26 nëntor Shqipëria është goditur nga një tërmet i fuqishëm 6.4 shkallë, ku la të vdekur 51 persona, qindra njerëz të plagosur dhe mijëra shtëpi të rrënuara.

 Të ngjashme

Behgjet Pacolli do të kandidojë për president

 Të tjera nga Shqipëria

Kongresi i 27‑të i Federatës së mjekëve shqiptarë në Evropë u mbajt në Tiranë

 E-Diaspora

 Jeta në Austri