Kosovë: Për 11 muaj, 103 persona kanë humbur jetën në aksidente trafiku

Në 11 muaj 14.552 aksidente prej të cilave 90 kanë qenë fatale

Të dhënat e fundit tregojnë se nga muaj janari deri në nëntor të këtij viti, 103 persona kanë humbur jetën si pasojë e aksidenteve në trafik.

Sipas Policisë së Kosovës, thuhet se gjatë kësaj periudhe kanë ndodhur 14.552 aksidente, prej të cilave 90 kanë qenë fatale, shkruan sot “Koha Ditore”.

Po ashtu, Policia e Kosovës ka bërë të ditur se 5.559 aksidente kanë qenë me lëndime dhe 8.903 aksidente me dëme materiale. Në periudhën janar-nëntor të këtij viti, Policia e Kosovës ka shqiptuar 411.127 tiketa në trafik.

Kujtojmë se në periudhën e njëjtë kohore të vitit 2018, kanë qenë 110 persona të vdekur në aksidente trafiku, përcjell albinfo.ch.

---