SHKSH Sharri Romanshorn
Lajme
Shoqata ‘Sharri’ shënon Ditën e Flamurit -Fotolajm
Shoqata Kulturore Shqiptare "Sharri" Romanshorn ka shënuar ditën e Flamurit bashkë me LAPSH-in Thurgau, grupin "Aktrimi" dhe QSHKi "Besa" nën tingujt e muzikës së Skënder Kelmendi, Bexhet Sallai dhe DJ Naser Lenjani. Eventin festiv e ka përshendetur me një fjalë rasti kryetari i komunës së Gostivarit Arben Taravari dhe përfaqësues të LAPSH-it
Me disa pika muzikore e peozi të recituara nga fëmijë të shkollimit plotësues në gjuhën shqipe LAPSH “Naim Frashëri Thurgau, shoqata “Sharri” ka shënuar Ditën e Flamurit, 28 Nëntorin, me dy javë vonesë për shkak të tërmetit që kishte goditur më 26 nëntor Shqipërinë.
Më poshtë po botojmë një përmbledhje me të gjerë të këtij eventi që ka ardhur në redaksinë tonë nga një anëtar i kësaj shoqate: Në mbrëmjen e 14 shtatorit shoqata Sharri e shënoi ditën e flamurit. Salla ishte e mbushur . Gëzon fakti që pati edhe të rinj anëtarë nga shoqata Sharri si dhe nxënes të shkollave shqipe në Thurgau. Pas një minute heshtjeje në nderim të viktimave të tërmetit në Shqipëri, moderatori i programit z. Ramadan Morina moderoi në mënyrë brilante programin e larmishëm artistik. Me një përshëndetje mysafirëve iu drejtua edhe Nexhat Hyseni, kryetar i LAPSH-it dhe i shoqatës “Sharri”. Ai mbajti një historik të shkurtër në kohën e shpalljes së pavarësisë së Shqipërisë. Poezitë e nxënësve krijuan emocione në sallë. Vallet e shoqatës treguan një kolorit të valleve me shije nën drejtimin e koreografit z. Jeton Krasniqi. Nuk munguan as tingujt e orkestres me çifteli e sharki nën drejtimin e Tomë Lleshdedes . Paraqitja me gitare e Bexhet Sallait elektrizoi të pranishmit. Kurse Naser Lenjani u paraqit me loder në bashkëpunim me DJ Lonin. Nuk munguan as specialitetet ushqimore nga nënat anëtare të shoqatës të ofruara për publikun. Me një fjalë përshëndetëse publikut iu drejtua kryetari i komunes se Gostivarit Arben Taravari. Ai përqoi mesazhi pozitiv në ruajtjen e traditës dhe kulturës shqiptare në diaspore dhe e bëri të ndjehej si në vendlindje. Në fund pas muzikës pati shpërblime të shumta të cilat i shkojnë në konto të kësaj shoqate në ruajtjen e identitetit shqiptar. Sponzori gjeneral i këtij programi ishte “Ostfinanz” e pronarit Nagip Memedi.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?