Lajme
Pse nënshtetësia zvicerane ka vlerë deri në 10 mijë franga në vit
Emigrantëve të natyralizuar në Zvicër, të ardhurat u janë rritur ndjeshëm në krahasim me ato të emigrantëve që nuk e kanë marrë pasaportën, tregoi një studim
Të ardhurat mesatare vjetore ishin 13.5 për qind më të mëdha për emigrantët, 15 vjet pasi ata fituan natyralizimin, ose rreth 5.500 franga zvicerane, në krahasim me emigrantët që nuk ishin në gjendje të merrnin shtetësinë.
“Këto gjetje mbështesin argumentin se shtetësia mund të lehtësojë disa prej formave të diskriminimit në tregun e punës që pengon integrimin e emigrantëve”, shkruan autorët e punimit që u shfaq në revistën “Science Advances”.
Dominik Hangartner, një profesor i asociuar i politikës publike në ETH Cyrih dhe një nga bashkautorët e studimit, i tha AFP-së se disa punëdhënës e panë shtetësinë si një kredencial që një emigrant planifikon të qëndrojë në Zvicër, përcjell tutje albinfo.ch.
“Të paktën disa punëdhënës e trajtojnë këtë si sinjal se këta janë njerëz që janë integruar me sukses”, tha ai. Zvicra ishte një vend veçanërisht i dobishëm për të studiuar për shkak të sistemit të tij të referendumeve të natyralizimit, në të cilin banorët e qyteteve votojnë për të vendosur nëse emigrantët duhet të marrin nënshtetësinë apo jo.
Sistemi përdoret nga rreth një e treta e më shumë se 2,000 bashkive të vendit. Studiuesit kanë shkruar se shikimi i aplikantëve që e fituan ose e humbën statusin përmes këtij procesi u lejon atyre të eliminojnë paragjykimin e seleksionimit.
Ekipi shqyrtoi pothuajse 4,000 aplikantë për natyralizim ndërmjet viteve 1970 dhe 2003. Nënshtetësia e fituar u tregua veçanërisht e dobishme për grupet e margjinalizuara, siç janë emigrantët nga Turqia dhe ish-Jugosllavia, të cilët panë që të ardhurat e tyre të rriteshin me një mesatare prej 10,000 frangash çdo vit, brenda 15 vjetëve, përcjell tutje albinfo.ch.
Të ngjashme
Të tjera nga Lajme
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë