Tri mijë bileta për “Dardanët” për sfidën ndaj Maqedonisë Veriore, në Shkup

Nuk ka dyshime, ndeshja gjysmëfinale e Play-Offit në Ligën e Kombeve, ndërmjet Maqedonisë Veriore dhe Kosovës, do të luhet më 26 mars 2020, në Shkup.

Sipas portalit sportiv maqedonas, “Sport”, Federata e Futbollit të Maqedonisë ka vendosur që ndeshja të luhet në stadiumin “Toshe Proeski” në Shkup.

Madje, drejtuesit e Federatës maqedonase kanë pasur kontakte të vazhdueshme me UEFA-në rreth organizimit të kësaj ndeshjeje, transmeton KTV, përcjell albinfo.ch.

Sa u përket biletave, UEFA ka vendosur të ndajë 8 për qind të biletave për tifozët mysafirë.

Stadiumi në Shkup ka kapacitet prej 30 mijë ulëseve dhe me rregulloren e UEFA-së, 3 mijë bileta do t’u takojnë “Dardanëve”. Portali maqedonas Sport shkruan se do të ketë regjim special për shitjen e biletave, që do t’u takojnë nikoqirëve.

Ndeshja gjysmëfinale në Play-Offin e Ligës së Kombeve ndërmjet Maqedonisë dhe Kosovës do të luhet më 26 mars nga ora 20:45.

Fituesi i këtij takimi do të luajë ndaj Gjeorgjisë apo Bjellorusisë, në luftën për një biletë në Evropian.

---