Vetëvendosje refuzohet nga PZAP-i për votat e diasporës

Paneli Zgjedhor për Ankesa dhe Parashtresa e ka refuzuar si të pabazuar ankesën e Lëvizjes Vetëvendosje për numërimin e fletëvotimeve nga votat e ardhura pas afatit të paraparë.

Kështu ka bërë të ditur Kryesuesi i sekretariatit në Panelin Zgjedhor për Ankesa dhe Parashtresa, Mul Desku, për mediat në Kosovë, përcjell albinfo.ch.

Lëvizja Vetëvendosje ka paraqitur ankesën e saj në Gjykatën Supreme, përmes të cilës kanë kërkuar numërim të 4 mijë e 639 votave të diasporës, kërkesë të cilën Paneli Zgjedhor për Ankesa dhe Parashtresa e kishte hedhur poshtë, ndërsa ditë më parë Supremja ia ktheu prapa këtë vendim Panelit.

Lëvizja Vetëvendosje, në rast se ka ndonjë pakënaqësi me vendimin, ka kohë 24 orë për ankesë.

Më poshtë gjeni vendimin e PZAP-it: