Risi në Facebook, lansohet një hapësirë vetëm për lajme

Ilustrim

Është bërë e ditur se kompania Facebook ka disa muaj që ka punuar për projektin Facebook News.

Thuhet se publikuesit mund të përfitojnë miliona dollarë për tarifa licencimi që përmbajtjet e tyre të shfaqen në Facebook News, sipas Wall Street Journal.

Ditën e premte Facebook njoftoi lansimin e Facebook News, një seksioni të ri në rrjetin social, i cili u tregon përdoruesve lajme të personalizuara.

Gjithashtu debutimi nisi pasditen e së premtes, por disa përdorues nuk do ta shohin menjëherë, tha Facebook.

Fillimisht Facebook News do të ofrohet në SHBA dhe do të ofrojë lajme lokale për qytetet si Nju Jork, Los Anxheles, dhe Çikago. Në mesin e publikuesve përmbajtjet e të cilët do të paraqiten në Facebook News janë Wall Street Journal, The Washington Post, USA Today, BuzzFeed dhe CNBC.