Sport
KF “Dardania” St. Gallen vazhdon serinë e fitoreve (VIDEO)
Me rezultatet e arritura deri tasni, KF Dardania është kandidati më serioz për të kaluar vitin që vjen ligën e dytë ndërregjionale
Edhe pas ndeshjes së shtatë me radhë në këtë kampionat, F “Dardania” e St. Gallenit ende nuk ka humbur asnjë pikë të vetme. Ajo po e udhëheq në mënyrë sovrane tabelën e Ligës së Tretë (ndërregjionale).
Megjithatë, fitorja e fundit, e arritur kundër FC Appenzell, nuk ishte aq e lehtë. Shënimi vendimtar për fitore u bë në minutën e fundit të ndeshjes. Shënues ishte Diego Cassani, i cili edhe njëherë dëshmoi se loja e tij është e rëndësisë përcaktuese për Dardaninë.
Ekipi mysafir është angazhuar shumë që të grabisë një pikë nga ekipi që mban kreun e tabelës. Në minutën e 22-të, Simon Baumann e solli ekipin e tij në avancim, 0:1.
Por mysafirët i kishin bërë llogaritë pa Cassani-n, i cili vetëm tre minuta më vonë shënoi golin e tij të parë, duke barazuar rezultatin 1:1.
Ka qenë sërish Casanni i cili e ka sjellë KF Dardaninë në udhëheqje, 2:1, me golin që shënoi në minutën e 53-të të ndeshjes.
Por mysafirët nuk u dorëzuan dhe në minutën 73 barazuan rezultatin përmes shënuesit Joseph Peterer.
Megjithatë, Cassani nuk lejoi befasi. Ai në minutën e tretë të vazhdimit të lojës ka shënuar golin e tij të tretë dhe i ka siguruar Dardanisë një fitore të vështirë.
Me rezultatet e arritura deri tasni, KF Dardania është kandidati më serioz për të kaluar vitin që vjen ligën e dytë ndërregjionale.
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998