Shqipëria
Kur Shqipëria do të ketë 10 milionë turistë
“Gushti nuk ka pasur një dhomë bosh në zonat turistike”, është shprehur ministri Klosi
Blendi Klosi, ministër i Turizmit dhe Mjedisit i Shqipërisë, i ftuar në një emision televiziv foli për turizmin në Shqipëri, ku sipas tij, në gusht nuk ishte e mundur të gjeje një dhomë bosh.
“Në Shqipëri, në vitin 2018 kanë hyrë rreth 5.9 milionë turistë dhe këtë vit presim të shkojë në 6.5 milionë turistë të huaj. Pra, pa llogaritur shqiptarët që kthehen në Shqipëri nga emigracioni. Gushti nuk ka pasur një dhomë bosh në zonat turistike”, është shprehur Klosi.
Ministri foli edhe për sfidën 10 milionë turistë, ku nënvizoi se kapacitetet pritëse po rriten me shpejtësi dhe se hotelierët po investojnë kudo në Shqipëri, duke ngritur hotele të reja.
“Puna është që kur turisti i 10-miliontë të hyjë në Shqipëri, a do të jemi gati ne me shërbime, me akomodim, a do të jemi të gatshëm me infrastrukturë? Kjo është sfida 10 milionë. Sfida 10 milionë është një target që besoj do të arrihet pa shumë sforco në vitet e para të dekadës së re”, u shpreh ministri Klosi, transmeton ATSH.
Nga ana tjetër, ai foli dhe për veçantinë e natyrës shqiptare, ku ndërthurja e relieveve malore me detin është e veçantë në Ballkan.
“Një gjë unike që kemi ne janë malet. Alpet shqiptare nuk ekzistojnë në rajon. Nuk kanë alpe si Shqipëria as Serbia, as Kroacia mbase, nuk ka Mali i Zi. Po ashtu kemi afërsinë me detin të këtyre lartësive. Pra, në Shqipëri shumë kollaj të gjithë operatorët turistikë që sjellin turistë, ndajnë detin me malin”, nënvizoi ministri Klosi, përcjell albinfo.ch.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë