Sebastian Kurz fitoi bindshëm zgjedhjet në Austri

Ka fituar bindshëm zgjedhjet e së dielës Partia e kancelarit Sebastan Kurz në Austri

Sipas një Exit-Polli, (rezultateve të para) jozyrtare, Partia Popullore e Kurzit ka marrë 37.2 për qind, përkundër Socialdemokratëve që kanë 22 për qind, e Partisë së Lirisë me 16 për qind. Të Gjelbrit kanë marrë 14.3 për qind, ndërsa liberalët e Neos kanë marrë 7.4 për qind, sipas rezultateve të “SORA”-s.

Rezultatet përfundimtare të zgjedhjeve mund të ndryshojnë, pasi që të hënën priten edhe votat me postë. Në këto zgjedhje kanë konkurruar tetë parti. Të drejtën e votës kanë pasur shtetasit e Austrisë mbi moshën 16 vjet. Për Parlamentin e ri do të zgjidhen 183 deputetë, ndërsa mandati i tyre zgjat pesë vjet. Rezultatet përfundimtare do të dihen të hënën, përcjell albinfo.ch.

 

 

---