Zvicra, më së shumti të huaj “për kokë banori”

Në krahasim me numrin e banorëve pjesëmarrja e të huajve të ardhur gjatë vitit 2012 në popullatën e përgjithshme është 1.6%

Zvicra në vitin 2012 ka pranuar një numër dukshëm më të madh të të huajve me qëndrim të përhershëm në krahasim me të gjitha vendet e Evropës. Në krahasim me numrin e banorëve pjesëmarrja e tyre në popullatën e përgjithshme është 1.6%.

Në listë, pas Zvicrës vjen Norvegjia, me 1.2% dhe Australia 1.1%, bën të ditur raporti ndërkombëtar i vitit 2014 për migracionin i publikuar të hënën nga OECD.

Vendi me më së shumti migracion në mesin e vendeve të OECD-së, SHBA ka vetëm 0.3% të popullatës që ka ardhur gjatë vitit 2012 për qëndrim të përhershëm në këtë vend. Në Gjermani, përqindja është 0.5% etj.    

Ndërkaq në numra absolutë Zvicra, si vend më i vogël mbetet nën mesataren e OECD-së gjegjësisht me 125.600 të huaj të ardhur gjatë vitit të përmendur. Listën në këtë drejtim e udhëheq SHBA me 1 milion e 31 mijë të huaj ndërsa pas saj jen Gjermania me 399.900 dhe Britania e Madhe me 285.100.

Migrimi në vendet industriale të perëndimit ka stagnuar në vitin 2012 në rreth 4 milionë.