Mineralet e Trepçës, ende me mbishkrimin “Made in Yougoslavie”

Në mesin e pasurive minerale të botës të ekspozuara në Muzeun Historik dhe Natyror të Gjenevës, janë dhe pasuritë e Trepçës së Kosovës,të cilat mjerisht ende figurojnë me mbishkrimin Made in Yougoslavie.

Faktikisht shpërbërja e Jugosllavisë ka ndodhur më 1991 respektivisht më 1992 kur tri Republikat e saj Sllovenia , Kroacia dhe Bosnja e Hercegovina nëpërmjet një Referendumi gjithë popullor deklaruan zyrtarisht shkëputjen e tyre nga Federata jugosllave. Po në këtë periudhë këto  vende u bënë Anëtare të Kombeve të Bashkuara. Kurse Maqedonia u bë anëtare e kësaj Organizate më 8 prill 1993 .  Ndërkaq Mali i Zi më 28 qershor 2006, prandaj shtrohet pyetja a është i demoduar dhe i pakuptimtë mbishkrimi me Made in Yogoslavie  mbi pasuritë minerale të Trepçës së Kosovës,kur de facto e de jure dihet se kjo krijesë artificiale u shua plot qe njëzet  e dy vjet.

Këtë korrigjim është dashur që  ta bëjë  në mënyrë administrative Qeveria e Kosovës ,menjëherë pas shpalljes së Kosovës si Republikë e Pavarur dhe njohjes së saj nga Zvicra. Nëse ka pasur zhvillime procedurash rreth kësaj çështje të dyja vendet është dashur ta njoftojnë opinionin.

Nismat e Shoqatave apo të Klubeve të ndryshme  për  ndërhyrje në këto probleme nuk janë aspak  serioze sepse zbehin keq kompetencat dhe rolin  e Ministrisë apo të Departamentit i cili apo e cila e  e ka detyrim dhe përgjegjësi këtë punë.  

Arif Ejupi