Njohja e një gjuhe të vendit, kusht për mjekët e huaj

Punëtorët shëndetësorë nga jashtë duhet të kenë njohuri të gjuhës së vendit ku do të punojnë. Përgjegjës për kontrollimin e zotërimit të gjuhës do të jetë punëdhënësi

Edhe pse Zvicra ka shumë nevojë për mjekë të huaj ajo e sheh si prioritet detyrimin e këtyre mjekëve për ta zotëruar njërën nga gjuhët e vendit. Me rishikimin e ligjit për profesionet mjekësore, ë Parlamentin e Zvicrës (Dhoma e Kantoneve) është propozuar që punëtorët shëndetësorë që vijnë nga jashtë të kenë njohuritë e nevojshme të gjuhës së vendit ku do të punojnë. Përgjegjës për kontrollimin  e zotërimit të gjuhës do të jetë punëdhënësi.

Para kësaj, Dhoma Nacionale në sesionin e saj vjeshtor pati vendosur që njohja e njërës nga gjuhët e vendit duhet të jetë kusht për ata që duan të regjistrohen në regjistrin e profesioneve mjekësore, gjegjësisht kusht për ushtrimin e profesionit, shkruan tagesanzeiger.ch.  Fjala është për profesionet me shkallë universitare si ato të mjekut, veterinarit, farmacistit ose dentistit.

Por Dhoma e Kantoneve ka kërkesa më modeste. “Propozimi i bërë nga Dhoma Nacionale është i pazbatueshëm në praktikë”, kanë kundërshtuar deputete nga parti të ndryshme. Dhoma e Kantoneve nuk dëshiron kufizimin e dhënies së lejeve për punë, të bazuar në njohjen e gjuhës. Në një rast të tillë rreziku do te ishte shumë i madh që të mos mund të sigurohen mjekë të mjaftueshëm nga jashtme.