Trump merr masa kundër cigares elektronike

Administrata Trump po përgatit ndalimin e të gjitha cigareve elektronike të aromatizuara.

Meqenëse në kohët e fundit  janë raportuar shumë raste për cigaret elektronike, kjo duket se ka ndikuar edhe tek presidenti amerikan, Donald Trump.

Sipas Zërit të Amerikës, Presidenti amerikan Donald Trump njoftoi se po merr masa kundër cigareve elektronike me aromë që kanë rezultuar të lidhura me rastet e problemeve në frymëmarrje, madje edhe me dëmtimet e rënda të mushkërive dhe vdekjen.

Tashmë pirja e cigareve elektronike është bërë shumë popullore, pasi shumë njerëz e menduan si një alternativë më të shëndetshme se duhani.

Mirëpo rritje në numrin e adoleshentëve që po pësojnë probleme serioze në mushkëri dhe disa raste vdekjesh, kanë alarmuar zyrtarët.

Andaj administrata Trump po përgatit ndalimin e të gjitha cigareve elektronike të aromatizuara, përcjell albinfo.ch.

---