Edhe ambasadori gjerman kritikon situatën me Agjencinë e Pronës

Pas Britanisë së Madhe, SHBA dha dorëheqje nga bordi i Agjencisë Kosovare për Krahasim dhe Verifikim të Pronës. Në lidhje me këtë rast ka reaguar edhe ambasadori gjerman Christian Heldt

Ambasadori i Gjermanisë në Kosovë, Christian Heldt ka reaguar dhe kritikuar në lidhje me situatën e krijuar në Agjencinë Kosovare për Krahasim dhe Verifikim të Pronës.

Ky reagim erdhi pas dorëheqjes së SHBA-së nga bordi i kësaj agjencie.

Sipas Heldt, postet publike shihen si dhuratë.

“Nuk është se në këtë vend nuk kishte njerëz të arsimuar dhe shumë të kualifikuar për pozitat e larta, përkundrazi! Por për sa kohë që postet publike shihen ekskluzivisht si dhurata, askush nuk duhet të presë që ata që po përpiqen të ndihmojnë dhe të mbështesin, që vetëm të ulen dhe të shikojnë”, ka shkruar Heldt.

---