Zbritje e vogël e çmimeve gjatë korrikut

Zbritje më të mëdha (-7.7%) ka pasur te mallrat e veshmbathjes por kjo shpjegohet me zbritjet sezonale, që bëhen gjithmonë para pushimeve verore

Gjatë korrikut në Zvicër është shënuar një trend i vogël i rënies së çmimeve në krahasim me një muaj më parë. Ndër çmimet e zbritura gjatë muajit të përmendur konsiderohen në radhë të parë ato të bujtjeve në hotele, pastaj çmimet e kompjuterëve dhe ato të karburanteve. Zbritje gjate korrikut sigurisht ka pasur në veçanti në shitoret e tekstilit, gjegjësisht të veshmbathjes por kjo shpjegohet me zbritjet sezonale, të organizuara, që bëhen gjithmonë para pushimeve verore.

Siç shpjegohet në një komunikatë të Zyrës Federale të Statistikave, gjegjësisht në indeksin e çmimeve të konsumit megjithatë ka pasur edhe ngritje çmimesh gjatë korrikut. Kështu, mishi i viçit, çokollata dhe benzina kanë pësuar një ngritje, shkruan fuw.ch. Por, gjithnjë sipas entit në fjalë, çmimet në korrikun e vitit 2014, krahasuar me ato të një viti më parë kanë qëndruar stabile.     

Me përqindje, zbritje më të mëdha të çmimeve gjatë korrikut në krahasim me qershorin janë shënuar te veshmbathjet (-7.7%), pastaj artikujt për amvisni (-1.2%), restorantet dhe hotelet (-0.5%), shpenzimet pe¨r kohë të lirë dhe kulturë (-0.2%), si dhe pijet alkoolike dhe cigaret (-0.1%).

Ndërsa çmimet kanë pësuar një ngritje sa u përket grupit “të mallrave dhe shërbimeve tjera” (+0.3%), komunikacionit (+0.2%) etj.