Financa
Gjermania – parajsë për pastrim parash?
Gjermania - parajsë për pastrim parash? Të dhëna shqetësuese ka prej vitesh. Megjithatë këtej e tutje do tëjetë krejt ndryshe, premton Ministri federal i Financave
“Pastrimi i parave është një problem serioz në vendin tonë”, thotë Ministri federal i Financave, socialdemokrati Olaf Scholz. “Ne duhet ta shmangim këtë.” Ndaj të mërkurën (31.07) qeveria do të vendosë një ligj, me të cilin Republika Federale e Gjermanisë “në nivel ndërkombëtar do të ketë standardet më të larta në luftën kundër pastrimit të parasë”.
Më shumë grupe profesioni se deri më sot, me këtë ligj do të detyrohen që të njoftojnë nëse kanë dyshime për pastrim paraje. “Në radhë të parë tregu i pasurive të patundshme duhet vrojtuar më me kujdes”, tha Scholz për gazetat e grupit Funke Mediengruppe. Politikani socialdemokrat synon gjithashtu të detyrojë për transparencë edhe qendrat e ankandeve apo tregtarët e metaleve të çmueshme, raporton DW.
Sipas vlerësimeve të Transparency International ndërkohë 15 deri në 30 përqind e parave nga bizneset kriminale investohen në pasuri të patundshme. Në Berlin dhe në Brandenburg së fundi janë konfiskuar 77 imobilje, që dyshohej se ishin blerë me para nga kriminaliteti, përcjell albinfo.ch.
Parashikohet gjithashtu që njësia e federatës kundër larjes së parasë të ketë një qasje më të mirë tek të dhënat e autoriteteve hetimore. Kjo njësi e quajtur Financial Intelligence Unit (FIU) e atashuar pranë doganave, ndërkohë posedon mjetet e nevojshme, që të mund të kryejë punën e saj, tha Scholz. Tani ato do të pajisen edhe me kompetenca dhe mundësi shtesë, “në mënyrë që të funksionojë më mirë edhe bashkëpunimi me autoritetet e tjera”.
Para dy vjetësh FIU kaloi në kompetencat doganore duke u shkëputur prej Zyrës Federale të Kriminalisitkës. Autoriteti i reformuar për një kohë të gjatë dukej se nuk ishte në gjendje që t’ua transmetonte në kohën e duhur hetuesve rastet e dyshimeve për larje parash. Edhe pas një viti në komisionin e financave të Bundestagut lidhur më këtë bëhej fjalë për një “rrezik të madh për sigurinë e brendshme”. Politikanët e opozitës e quanin atë një “katastrofë të politikës së brendshme” dhe një “bombë me sahat”.
Ministri i Financave Scholz pranoi, që Gjermania ka nevojë për disa “përmirësime”. Por tani, sipas tij, ndjekësit e larjes së parave do të bëhen “gjithnjë e më të aftë për veprim”.
Të ngjashme
Të tjera nga Financa
E-Diaspora
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi Është bërë promovimi i librit “Gazmend Zajmi – Një jetë për Kosovën” me autor Nuhi Bytyçi,...
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?