Zvicra, megjithatë pjesë e “Horizon 2020”

Pas votimit që zviceranët i bënë iniciativës kundër migracionit masiv, BE-ja pati refuzuar marrëveshjen me Zvicrën për “Horizon 2020”

Zvicra ka arritur marrëveshje me BE-në lidhur me pjesëmarrjen zvicerane në të ardhmen në programin hulumtues “Horizon 2020”. Diskutimet në nivelin teknik janë përmbyllur ndërsa për t`u kurorëzuar, nevojitet edhe pajtimi i të dyja palëve në nivelin politik.
Përmbajtja konkrete e marrëveshjes nuk është bërë e ditur, por “Horizon 2020” ka në kompetencë ndarjen e bursave që marrin studiuesit nga Këshilli Evropian për Kërkime.
Pas votimit më 9 shkurt që zviceranët i bënë iniciativës kundër migracionit masiv, BE-ja ka refuzuar ta vazhdojë marrëveshjen me Zvicrën për “Horizon 2020”. Me këtë akt, studiuesit zviceranë qenë përjashtuar nga mundësia për tu financuar nga fondi i përmendur.