Ushtarja e parë transseksuale e Zvicrës, me shërbim në Kosovë

Ka jetuar për 40 vjet si mashkull ndërkohë që është ndjerë femër. Derisa një ditë, nga fundi i vitit 2010 ka shkuar dhe u është prezantuar vartësve të saj: prej sot unë nuk jam shefi, por shefja juaj

Ka jetuar për 40 vjet si mashkull ndërkohë që është ndjerë femër. Sot, Claudia Sabine Meier, që është lindur si Andreas Heribert Meier ka plotësuar dëshirën nga fëmijëria: të bëhet femër dhe të shërbejë në ushtri. Ajo është femra e parë transseksuale në ushtrinë e Zvicrës dhe gjithsesi e para që si e tillë shërben në Swisscoy, forcat zvicerane në kuadër të KFOR-it në Kosovë.

Në ushtritë tjera ka pasur dhe ka edhe persona tjerë transseksualë dhe kjo është një dëshmi se transseksualiteti nuk është pengesë për të shërbyer në forca të armatosura. Këtë e dëshmon edhe Claudia. Ajo thotë se është pritur mjaft mirë në mesin e ushatrëve meshkuj. Prej dy muajsh shërben atje, punon në kuzhinë.

Shumë gjatë, pothuaj gjithë jetën ka punuar si shef në hotelin e prindërve në kantonin e Bernës. Derisa një ditë, nga fundi i vitit 2010 ka shkuar dhe u është prezantuar vartësve të saj: prej sot unë nuk jam shefi, por shefja juaj, shkruan bernerzeitung.ch Ndërkohë, ajo u është nënshtruar disa operacionevepër të arrë pamjen e femrës.

Por zyrtarisht emrin femëror e ka marrë vetëm para pak muajve.

Duke qenë në Kosovë, ajo thotë se atje perceptohet mjaft mirë si femër, nga ata që nuk e njohin. Kur shkon për të bërë furnizimet kantinën ushtarake, ndjen shikimet e meshkujve që e ndjekin të mrekulluar. Paraqitja e një femre bjonde me uniformë dhe me pushkë, në Kosovë vazhdon të jetë diçka e pazakonshme, komenton ajo.