Haradinaj në Hagë, mbrohet në heshtje

Gjatë ditës së sotme kryeministri në dorëheqje i Kosovës, Ramush Haradinaj, është intervistuar në Dhomat e Posaçme në Hagë, shkruan albinfo.ch.

Haradinaj, i cili është ftuar si i dyshuar, para gazetarëve në Hagë ka thënë se ka vendosur të mbrohet në heshtje, duke mos u përgjigjur në pyetje gjatë intervistimit në Dhomat e Posaçme.

“Sot jam paraqitur si i dyshuar, për ta kryer obligimin ligjor, në bazë të një ftese të Prokurorisë Speciale të Dhomave të Posaçme. E kam pranuar këshillën ligjore, pra, të mos përgjigjem fare në pyetje. Me këtë, pra kam kryer obligimet e mia ndaj gjykatës në bazë të ligjit për Dhomat e Posaçme. Obligime të tjera nuk kam dhe kjo është e tëra që mund t’ju them sot”, ka thënë Haradinaj, përcjell albinfo.ch.

Po ashtu, Haradinaj ka thënë se ende nuk e di saktë se për çka po dyshohet.

Ditë më parë, Haradinaj ofroi dorëheqjen nga posti  kryeministrit, sepse, siç njoftoi ai, ishte ftuar si i dyshuar nga Prokuroria Speciale për krime lufte në Kosovë, e cila ndodhet në Hagë.

https://www.facebook.com/RamushHaradinajOfficial/videos/502699483871951/