Gjermania, vendi pa borxhe

Gjermania synon që vitin e ardhshëm të mos marrë më borxhe të reja

Dhe kjo duhet të mbetet e tillë edhe vitet në vazhdim. Një plan i miratuar më parë në kabinetin qeveritar gjerman synon një të ashtuquajtur “zero të zezë”.

Ministri gjerman i Financave, Schäuble, kujtoi që vendi i tij, si pasojë e krizës së euros, iu desh të merrte në vitin 2010 86 miliardë euro borxhe të reja, por që kishte premtuar që atëherë se do ta ulte deficitin dhe do ta çonte në zero marrjen e kredive.

Me pak fat, për shkak të interesave bankare të ulëta dhe me një zhvillim të mirë ekonomik, por edhe me shkathtësi, ky synim u arrit brenda më pak se katër vjetësh.

Edhe në vitin 2015 gjendja do të mbetet njëherë për njëherë e tillë. Vetëm prej vitit 2016, po të shtohen të ardhurat, do të ketë sërish hapësira për shpenzime të reja.

Deri në vitin 2018 të ardhurat dhe shpenzimet do të rriten në 327 miliardë euro. Por duhet ruajtur masa edhe në të ardhmen, sepse ndryshimi demografik është një sfidë për sigurinë sociale dhe për standardin e jetesës.

Nëse Gjermania është me këtë model për Evropën, e pyetën Schäublen. Ai tha se shpreson që jo, sepse vetëm përmbajtja ndaj rregullave nuk të bën model.

Megjithatë, në Evropë nuk është e vetëkuptueshme që ta bësh atë, për të cilën është rënë dakord, tha Schäuble.

Kuota e borxheve e Gjermanisë është aktualisht rreth 77 për qind, po deri në vitin 2018 do të ulet nën 70 për qind, tha Schäuble.

Brenda dhjetë vjetësh kjo kuotë do të ulet sërish nën 60 për qind dhe do t’u përgjigjet kritereve të Mastrihtit, për të cilat është rënë dakord në BE.