Sa janë të sigurta kompanitë e udhëtimit në aeroportin “Adem Jashari”

Aeroporti i Prishtines/Foto: Bujar GASHI

Edhe në Kosovë, aeroplani po përdoret si mjet udhëtimi çdo herë e më shumë. Sidomos gjatë verës, kur një pjesë e mërgimtarëve zgjedhin të vinë në atdhe me aeroplan përmes aeroportit “Adem Jashari”, përcjell albinfo.ch.

Por sa ka siguri nga kompanitë që operojnë në këtë aeroport?

Pavarësisht incidentit që ndodhi më 16 qershor në linjën Prishtinë-Basel, njohësi i fushës së aviacionit, Arlind Imeri, ka thënë për gazetën Infokus, se në përgjithësi siguria e kompanive që frekuentojnë aeroportin “Adem Jashari” është e mirë.

“Unë mendoj që siguria nuk është e keqe, është shumë e mirë. Varet. Mendoj se shteti duhet të marrë masa më rigoroze ndaj kompanive që vijnë në këtë formë qysh ka ardhë ALK Airlines. Duhet t’u nënshtrohen disa kontrolleve pak ma të rrepta. Nuk munesh me e kontrollu njëjtë Swiss Airlines edhe ALK Airlines. Një aeroplan që është i vjetër 30 vjet edhe një aeroplan që i ka ndoshta dy vjet fluturim. Tash nuk duhet me qenë kontrollat e njëjta, duhet me pas pak një kriter. Mendoj kjo është pak shqetësuese” ka thënë Imeri.