Schumacher zgjohet nga gjendja e komës

Raportohet se ish kampioni i shumëfishtë botëror i dëgjon zërat e të tjerëve, reagon ndaj prekjeve dhe mund të komunikojë me familjarët

Ylli i Formula 1, Michaerl Schumacher nuk është më në gjendje kome. Ish automobilisti 45 vjeçar, sipas menaxheres së tij, Sabine Kehm ka lëshuar spitalin në Grenoble për, siç ka thënë ajo “të vazhduar fazën e gjatë të rehabilitimit”.

Sipas portalit të gazetës bulevardeske gjermane Bild.de, Schumacher është vendosur kohë më parë në një klinikë rehabilitimi dhe është me vetëdije të plotë. Sipas këtij raportimi, ish kampioni i shumëfishtë  botëror i dëgjon zërat e të tjerëve, reagon ndaj prekjeve dhe mund të komunikojë me familjarët.

Më 29 dhjetor të vitit të kaluar Schuacher gjatë skijimit në Meribel të Francës ishte përplasur me kokë për një shkëmb dhe kishte pësuar goditje të rëndë të trurit dhe kafkës. Në fillim të muajit prill ai kishte treguar shenja të vetëdijes dhe të zgjimit ndërsa prej atëherë kanë munguar informatat lidhur me gjendjen e tij.