Haradinaj feston 4 Korrikun me ushtarët amerikanë

Foto: Ramush Haradinaj (Fb)

Sot, Shtetet e Bashkuara të Amerikës festojnë Ditës së Pavarësisë, përcjell albinfo.ch.

Festës, nga Kosova, i është bashkuar edhe kryeministri Ramush Haradinaj, i cili ka qëndruar në kampin Bondsteel, bashkë me amerikanët.

“Sot festojmë edhe ne, krah për krah me miqtë tanë”, ka thënë Haradinaj.

Postimi i plotë:

Nuk ka mënyrë më madhështore se të bashkohesh për Ditën e Pavarësisë së Shteteve të Bashkuara të Amerikës, në Kampin Bondsteel, për të festuar mes marinësave, grave dhe burrave amerikanë, që kujdesen për lirinë tonë në partneritet me strukturën tonë të sigurisë dhe që janë në shërbim të mbrojtjes së paqes anembanë botës. Kosova dhe Amerika ndajnë vlerat e përbashkëta, duke nderuar të gjithë ata që janë flijuar për ta ngritur SHBA-në, si vendi i idealeve të lirisë dhe demokracisë, për të gjithë. Besnikë të këtyre idealeve, të cilave iu prin Amerika në botë, sot festojmë edhe ne, krah për krah me miqtë tanë.