Deputetët kërkojnë ligj të ri për heqjen e monopolit në Homologim

Kuvendi i Kosovës ne seancë e jashtëzakonshme, sot po diskuton për çështjen e monopolit të homologimit.
Deputeti i LDK-së, Lutfi Zharku, në hapjen e seancës, ka treguar tri kërkesat e opozitës për të demonopolizuar këtë treg. Ai ka thënë se si pikë e parë, duhet votuar shfuqizimi i menjëhershëm i udhëzimit që i pati dhënë monopolin në homologim EuroLabit.
Për pikë të dytë, ai ka propozuar që për dy muaj, duhet të hyjë në fuqi udhëzimi i ri administrativ. Ndërsa, deri në fund të vitit, ka thënë se duhet të liberalizohet plotësisht tregu i homologimit, trasnmeton albinfo.ch.
Ndërsa, Glauk Konjufca nga Vetëvendosja, ka thënë se ka konflikt interesi në hartimin e udhëzimit administrativ. E Shqipe Pantina nga PSD-ja ka thënë se janë kundër monopolit dhe se shteti duhet të bëjë rregulla dhe të mbikëqyrë zbatimin e tyre.
E shefi i Grupit parlamentar të PDK-së, Memli Krasniqi, fillimisht ka shprehur zhgënjimin e tij që kolegët e opozitës nuk i kanë ofruar mundësinë pozitës që të bëhen bashkë thirrës të kësaj seance. Krasniqi tha se PDK-ja është në favor të konkurrencës së lirë, fer, dhe lojale për mundësi të barabarta dhe kundër monopoleve.