FC Kosova Munhen fiton Kupën e Futbollit shqiptar në Gjermani

Ekipi futbollistik Kosova Munhen ka fituar Kupën e Futbollit shqiptar në Gjermani, përcjell albinfo.ch.

Kjo garë u organizua nga Ministria e Diasporës dhe Investimeve Strategjike, në bashkëpunim me Federatën e Futbollit Shqiptar në Gjermani dhe Fc. Kastrioti Stukenbrock.

Në këtë aktivitet morën pjesë 11 ekipe të futbollit shqiptar që veprojnë në Gjermani.

Siç njofton MDIS, në këtë organizim morën pjesë edhe Fatmire Musliu, konsulle e përgjithshme e Kosovës në Frankfurt, Agim Ademi, president i FFK-së, Fidan Ibrahimi, konsull në Gjermani, Elis Badalli dhe Afrim Deliu nga MDIS-i, dhe shumë personalitete të tjera.

Aktiviteti u zhvillua më 22 dhe 23 qershor 2019 në Stukenbrock, Gjermani.