SHBA-ja lanson sulm kibernetik ndaj Iranit

Foto: Facebook

SHBA-ja ka nisur një sulm kibernetik ndaj sistemeve të armëve iraniane ditën e enjte, pasi Presidenti Trump u tërhoq nga sulmet ajrore në këtë vend, thuhet në raportet e Shtetit Amerikan.

Sulmi kibernetik paaftësoi sistemet kompjuterike që kontrollojnë hedhësit e raketave, thuhet në Washington Post.

Këto veprime vijnë si  hakmarrje për rrëzimin e një droni amerikan si dhe për sulmet ndaj tankeve të naftës për të cilat SHBA-ja e ka fajësuar Iranin, thuhet në New York Times.

Nuk ka konfirmim të pavarur të dëmeve ndaj sistemeve iraniane.

Shtetet e Bashkuara gjithashtu kanë shqiptuar sanksione që Presidenti Trump i përshkroi si “të mëdha”.

Ai tha se sanksionet ishin të nevojshme për të parandaluar Iranin nga marrja e armëve bërthamore dhe presioni ekonomik do të mbahet, përveç nëse Teherani ndryshon kursin.

Tensionet midis SHBA-së dhe Iranit janë rritur që kur SHBA-ja vitin e kaluar u tërhoq nga një marrëveshje bërthamore e vitit 2015 mes Iranit dhe fuqive botërore dhe rivendosi sanksionet, duke nxitur destabilitet ekonomik në Iran.

Javën e kaluar Irani tha se do të tejkalonte kufijtë e pranuar ndërkombëtarisht në programin e saj bërthamor, shkruan AlsatM, përcjell Albinfo.ch.