Haradinaj shpreson në liberalizimin e vizave

Kryeministri i Kosovës, Ramush Haradinaj, përmes një shkrimi në Facebook ka reaguar për draft-dokumentin e konkluzioneve të Këshillit të Ministrave të BE-së për Kosovën, transmeton albinfo.ch.
Haradinaj më shumë është fokusuar në pjesën që ka të bëjë me liberalizimin e vizave për kosovarët.

“‘Këshilli e njeh rëndësinë e liberalizimit të vizave për Kosovën. Komisioni ka bërë një propozim zyrtar në muajin maj 2016 që të transferojë Kosovën në listën e shteteve që mund të udhëtojnë pa viza në zonën Schengen, ashtu siç është prezentuar në raportin e korrikut 2018 rreth përmbushjes së kritereve të mbetura. Në mars 2019, Parlamenti Evropian përkrahu propozimin e Komisionit Evropian në lexim të parë. Vendimi për këtë propozim është duke u konsideruar nga Këshilli’, përkthim i saktë i Konkluzionit preliminar (pika 54) të Këshillit të Bashkimit Evropian”, ka shkruar Haradinaj.