Vazhdon beteja ShBA-Huawei

Themeluesi i gjigantit teknologjik “Huawei”, Ren Zhengfei, mbetet i palëkundur ndaj ballafaqimit me autoritetet amerikane të tregtisë, duke thënë se SHBA-ja po i nënvlerëson aftësitë e tyre.

Zhengfei ka deklaruar se së bashku me “Google”-n po diskutojnë për “masa emergjente” për të gjetur një zgjidhje përballë sanksioneve amerikane, përcjell albinfo.ch.

Më 16 maj, Departamenti Amerikan i Tregtisë e shtoi “Huawein”-n dhe 68 kompani të tjera në një listë të zezë eksporti.

Kësisoj, do të jetë gati e pamundur për kompaninë kineze të blejnë mallra të prodhuara në SHBA. Ndërsa “Google” këtë javë ka njoftuar se do t’i bindet urdhrit të presidentit Trump për të ndaluar furnizimin për “Huawei”.