Autotech

Në kategorinë “pronarë të kënaqur”, Audi shpallet marka më e mirë

E hënë, 13 Maj 2019 - 15:40 albinfo.ch

Sipas hulumtimeve të JD Power, prodhuesi gjerman i veturave për të dytin vit me radhë ka shënuar rezultate të shkëlqyera në atë se sa janë të kënaqur konsumatorët e saj.

Audi ka fituar simpatinë më të madhe nga të gjitha markat e tjera, sipas hulumtimeve të JD Power për shërbimet ndaj klientit, transmeton koha.net, përcjell albinfo.ch.

Studimi i tyre bazohet në përvojat e pronarëve të markës Audi, të cilët janë klientët më të kënaqur sa i përket mirëmbajtjes dhe riparimit të veturave.

JD Power është një kompani amerikane që merret me hulumtimin në atë se sa janë të kënaqur konsumatorët si dhe kualitetin e produkteve për industrinë e veturave.