Turizëm
Blogerja nga Zelanda e Re jep shumë arsye pse duhet vizituar Shqipëria
Në vazhdën e shkrimeve të mira për Shqipërinë, sidomos për turizmin, një shkrim të këtij lloji ia ka kushtuar këtij vendi një blogere nga Zelanda e Re.
Ajo që ka shumë ndjekës në rrjetet sociale, u ka bërë thirrje atyre që ta vizitojnë Shqipërinë, madje ka thënë se ky vend është më i sigurt se shumë vende të tjera në Evropë.
“Shqipëria është një vend shpesh i keqkuptuar. Mes Malit të Zi dhe Greqisë, shtrihet një parajsë e fshehur, që shumë herë, njerëzit e humbasin ose nuk e dinë se ku ndodhet në hartë. Unë u dashurova me Shqipërinë. Plazhet e saj të mëdha dhe njerëzit miqësorë më bënin të ndihesha e sigurt gjatë gjithë kohës”, ka shkruar ajo, përcjell albinfo.ch.
Në shkrimin e gjatë ajo i ka përshkruar plazhet në bregdetin shqiptar si nga më të bukurit në Evropë. Ndërsa ka përmendur plazhin e Ksamilit, Dhërmiut dhe Borshit.
Ndër karakteristikat e tjera ajo ka thënë se njerëzit në Shqipëri janë jashtëzakonisht mikpritës.
“Shqiptarët i duan të huajt! Ata ju mirëpresin krahëhapur dhe me zemra të hapura, ky është moment kur e kuptoni se është një destinacion i mrekullueshëm udhëtimi. “Nga jeni?”, është një pyetje popullore që ju bëhet kur jeni duke udhëtuar nëpër Shqipëri. Kur thosha “Nga Zelanda e Re” fytyrat e tyre ndizeshin nga lumturia, gëzimi dhe ndonjëherë pak konfuzion. Po, Zelanda e Re është shumë larg”, shkruan ajo.
Po ashtu në shkrim ajo ka thënë se Shqipëria ka shumë kështjella të bukura dhe vende historike, përmend këtu Butrinti, Beratin dhe Gjirokastrën, të cilat janë vende të mbrojtura nga UNESCO.
Ajo ka përshkruar në këtë shkrim edhe qytetin e Shkodrës dhe ka folur për bukuri natyrore duke thënë se “nuk është çudi që Shqipëria është një parajsë për dashamirësit e natyrës”.
Të ngjashme
Të tjera nga Turizëm
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi