Sa është rritur numri i të huajve në Zvicër nga viti 2005 deri më tani

Qyteti me përqindjen më të madhe të të huajve është Kreuzlingen: Në këtë vend, 54.1% e popullsisë nuk kanë një pasaportë zvicerane

Zvicra sot regjistron një popullsi prej 8’526’932, ku prej tyre 2’143’722 janë emigrantë.

Nga 2.1 milionë të huaj, 1.79 milionë të huaj vijnë nga shtetet evropiane (85.9%), përcjell albinfo.ch.

Zvicra aktualisht ka një pjesëmarrje të të huajve prej 25.14% (që nga tremujori i tretë i vitit 2018). Është një nga vendet evropiane me një nga përmasat më të larta të të huajve.

Për të krahasuar Poloninë: 0.28% të të huajve. E megjithatë, shkalla e krimit në Poloni nuk është më e vogël se në Zvicër.

Qyteti me përqindjen më të madhe të të huajve është Kreuzlingen: Në këtë vend, 54.1% e popullsisë nuk kanë një pasaportë zvicerane. Prej tyre, mbi gjysma janë nga Gjermania. Kjo pasohet nga Renens dhe Spreitenbach me 51.7% secila. Me 48.4% të huaj, Gjeneva ka pjesën më të madhe të të huajve në qytetet e mëdha, përcjell tutje albinfo.ch.

Më pak të huaj, nga ana tjetër, kanë komuna më të vogla të tilla si Spiez, Münsingen dhe Steffisburg, të cilat kanë vetëm një pjesë prej rreth 10%.

Në vitin 2005 kishte 1’541’912 të huaj, prej tyre 813 456 burra dhe 728 456 gra.

Në vitin 2010, numri i të huajve u rrit në 1 766 277, derisa një vit më vonë ky numër u rrit në 1 815994.

Numri i të huajve, është rritur nga viti në vit. Më 2015, u kalua shifra e 2 milionëve, gjegjësisht 2 048 667 të huaj. Në vitin 2018 është regjistruar numri prej 2 143 722 të huaj.

---