Theren me thikë tre nxënës në Prishtinë, njëri në gjendje të rëndë

Pasditen e sotme ka ndodhur një ngjarje e rëndë në kryeqytetin e Kosovës, ku tre nxënës të shkollës së mesme të agrobiznesit dhe teknologjisë “Abdyl Frashëri” janë therur me thika.

Mjeku kujdestar në Qendrën e Klinikës së Emergjencës, Naser Syla, ka thënë për mediat se njëri prej tyre është në gjendje të rëndë. Syla ka thënë se ai po lufton me jetën.

Policia e Kosovës ka njoftuar se dy nxënësit e therur janë të moshës 17-vjeçare, ndërkaq njëri është 16-vjeçar.

Policia po ashtu tha se ka identifikuar tre persona të dyshuar dhe është në kërkim të tyre.