Rona Nishliu do t’i dhurojë paratë e koncertit për fëmijët e braktisur

Foto: Qendra Multimedia

Këngëtarja ‪Rona Nishliu me grupin e saj “‪Rona Nishliu Quartet” ka njoftuar se të ardhurat nga koncerti promovues i albumit të saj “Mindil”, do t’i dhurojë për fëmijët e braktisur. ‪

Rona Nishliu është pjesë e platformës avokuese “Miqtë e Fëmijëve”, platformë kjo e iniciuar dhe e koordinuar nga Koalicioni i OJQ-ve për Mbrojtjen e Fëmijëve, përcjell albinfo.ch.

“Miqtë e Fëmijëve” është platformë avokuese e përbërë nga personalitete me karrierë të suksesshme nga fusha e diplomacisë, artit, kulturës, sportit etj., e cila synon të ndihmojë në rritjen e ndërgjegjësimit dhe promovimin e mbrojtjes së fëmijëve në të gjithë Kosovën.

Gjatë ditës së djeshme, Nishliu mbajti një koncert në në Prishtinë, ku lansoi edhe albumin e saj “Mindil” përcjell albinfo.ch.

“Mindil”, i cili u promovua në ambientet e “Kino Armata”, përfshinte dhjetë këngë, ku secila prej tyre i dedikohej dikujt dhe sillnin emocione dhe përjetime të ndryshme, këngë këto që paraqesin një trashëgimi muzikore qindravjeçare.