Gjermani: Rrufeja shkakton zjarr në Hessen

Patrick Pleul/dpa via AP)

Një zjarr i madh në kodrën e Seulingswald, pranë Autostradës A4, ka mbuluar një sipërfaqe prej shtatë hektarësh të barabartë me madhësinë e rreth 10 fushave të futbollit, sipas policisë, përcjell albinfo.ch.

Zjarri shpërtheu të mërkurën mbrëma pas një stuhie, njoftoi Hessenschau. Banorët në fshatin e afërt Ludwigsau i njoftuan zjarrfikësit.

Flakët që përfshinë zonën pyjore mund të shihen nga larg.

Policia tha se askush nuk ishte në rrezik. Edhe pse zjarri ishte nën kontroll, pemët janë ende të paqëndrueshme dhe mund të bien. Zjarrfikësit duhej të qëndronin në vendngjarje për disa orë, tha një zëdhënës i policisë, përcjell albinfo.ch.

“Ne supozojmë se rrufeja goditi pemët dhe shkaktoi zjarrin”, tha një zëdhënës i policisë të enjten në mëngjes.

Ka pasur disa zjarre në gjithë Gjermaninë, për shkak të valës së nxehtësisë pranverore temperaturat po arrijnë deri në 20 e më lartë gradë celsius.