Këto janë 10 ndërtesat më të larta në botë

Foto ilustrim

Dita-ditës, në planetin Tokë po shtohet numri i ndërtesave, e po ashtu edhe katet e tyre. Me qindra metra lartësi dhe dhjetëra kate, këto ndërtesa duket sikur ‘prekin’ qiellin.

Por a e keni ditur se cilat janë ndërtesat më të larta në botë?

Bazuar në të dhënat e The Skyscraper Center, albinfo.ch ju sjell detaje për dhjetë ndërtesat më të larta në botë:

Burj Khalifa – E ndërtuar në Dubai në vitin 2010, kjo ndërtesë ka 163 kate dhe 828 metra lartësi.

Shangai Tower – Kjo ndërtesë me 128 kate dhe 632 metra lartësi, është ndërtuar në vitin 2015 në Shangai.

Makkah Royal Clock Tower – E ndërtuar në qytetin e Mekës në vitin 2012, kjo ndërtesë ka 120 kate, në një lartësi prej 601 metrash.

Ping An Finance Center – Kjo ndërtesë e lartë 599.1 metra ka 115 kate dhe është ndërtuar në vitin 2017 në Shenzhen.

Lotle Word Tower – E ndërtuar po ashtu në vitin 2017, në Seoul, kjo ndërtesë ka 554.5 metra të ndara në 123 kate.

One Word Trade Center – Kjo ndërtesë ka 541.3 metra të ndara në 94 kate, dhe është ndërtuar në Nju-Jork në vitin 2014.

Guangzhou CTF Finance Center – Kjo ndërtesë 111 katëshe, u ndërtua në vitin 2016 dhe është e lartë 530 metra.

CITIC Tower – E vendosur në Bejing, kjo ndërtesë ka 527.7 metra lartësi dhe 109 kate. Ndërtimet e saj kanë përfunduar në vitin 2018.

Taipei 101 – Si tregon edhe emri, ndërtesa është në Taipei dhe ka 101 kate. Është e lartë 508 metra dhe është ndërtuar në vitin 2004.

Shangai World Financial Center – E vendosur në Shangai, ndërtesa ka 492 metra të ndara në 101 kate. Është ndërtuar në vitin 2008.