Policia franceze kërkon kushte më të mira pune

Foto ilustrim - Keystone

Forcat policore franceze po protestojnë kundër kushteve të vështira të punës, pasi 28 oficerë kanë bërë vetëvrasje deri më tani në vitin 2019, dyfishin e shumës së regjistruar në të njëjtën kohë vitin e kaluar.

Protesta u thirr nga sindikatat pasi dy oficerë u gjetën të vetëvrat të enjten. Ata denoncojnë një mungesë burimesh, punë jashtë orarit të papaguar, menaxhim joefikas dhe ndër të tjera izolim social.

“Kushtet e punës janë të vështira, menaxhimi është shumë i vështirë, kur nuk jemi duke u ndjerë mirë në sferën private nuk po ecim mirë në sferën profesionale, është e komplikuar”, tha Frederic Lagache, zëvendës sekretar i përgjithshëm i Aleancës – Bashkimi policor më i madh i Francës, përcjell albinfo.ch.

Gjatë pesë viteve të fundit, një mesatare prej 44 anëtarësh të forcave të policisë kanë bërë vetëvrasje çdo vit në Francë.