Jeta në Zvicër

Presidenti zviceran i trishtuar për djegien e katedrales në Paris

E martë, 16 Prill 2019 - 11:50 albinfo.ch

Presidenti zviceran Ueli Maurer ka shprehur keqardhje në emër të qeverisë zvicerane për zjarrin shkatërrues që përfshiu katedralen Notre-Dame në Paris të hënën në mbrëmje.

Në një mesazh të postuar në llogarinë e Twitter të zëdhënësit të Këshillit Federal, presidenti Maurer shprehu pikëllimin dhe keqardhjen për atë se çfarë ndodhi, përcjell albinfo.ch.

Maurer është një nga shumë krerë shteti që reaguan me tronditje dhe pikëllim për zjarrin që shpërtheu pak para orës 19:00 të së hënës në katedralen e shekullit 12.

Autoritetet bën të ditur të martën në mëngjes se zjarri ishte “nën kontroll” pas disa orësh, kurse u angazhuan rreth 400 zjarrfikës për të shuar zjarrin.

Presidenti francez Emmanuel Macron u zotua të rindërtojë monumentin. Hetimet kanë filluar se si ndodhi deri te zjarri. Një zjarrfikës është lënduar.

 

 Të ngjashme

Evakuohet Kulla Eiffel në Paris, shkak alarmi për bombë

 Të tjera nga Jeta në Zvicër

Sondazhi: Shumica e zviceranëve mbështesin mbrojtje më të fortë kundër valëve të të nxehtit

 E-Diaspora

 Jeta në Austri