Shqipëria
Skulptori shqiptar e shndërron Luganon në një muze nën qiell të hapur
Gjurmët e “çelikta” të skulptorit Helidon Xhixha mund t`i ndjekësh në një gjatësi prej rreth një kilometri dhe kudo të bëjnë përshtypje të fortë jo vetëm me bukurinë, por edhe me shkëlqimin e tyre metalik
Të gjithë atyre që këto ditë ia mësyjnë Luganos, qytetit pitoresk në jug të Zvicrës, skulptori nga Shqipëria, Helidon Xhixha u ka përgatitur një surprizë. Madje befasia e këndshme të pret sapo të zbresësh në stacionin kryesor hekurudhor të qytetit: një skulpturë në formë të një sfere të çarë në mes, e punuar prej çeliku, të lëbyr sytë, shkruan albinfo.ch.
Kur shikon në bazamentin e saj, sheh emrin e bashkatdhetarit tonë: Helidon Xhixha.
© albinfo.ch
Vazhdojmë më tutje. Në hapin e parë që do ta bësh pasi të kesh zbritur me “funiculare”-n (teleferikun) e këndshëm në qytet, të pret edhe një perlë tjetër, po e Helidon Xhixhës, një skulpturë abstrakte po prej çeliku.
©albinfo.ch
Dhe mrekullia vazhdon më tutje kur të kesh filluar shëtinë nëpër sheshet kryesore të qytetit dhe më tutje buzë liqenit të bukur që mban emrin e qytetit.
© albinfo.ch
Janë gjithsej 19 skulptura moderne që patjetër i tërheqin syrin çdo kalimtari në këtë qytet të lakmuar nga turistët e shumtë, shkruan albinfo.ch. Disa prej tyre janë në parqet e vogla në shetitoren buzë liqenit ndërsa disa të tjera edhe brenda liqenit, ku “lundrojnë” mbi ujë.
© albimnfo.ch
Gjurmët e “çelikta” të Helidon Xhixhës pra mund t`i ndjekësh në një gjatësi prej rreth një kilometri dhe kudo të bëjnë përshtypje të fortë jo vetëm me bukurinë por edhe me shkëlqimin e tyre metalik.
© albinfo.ch
Por çfarë paraqesin këto skulptura dhe përse janë vendosur pikërisht tash? Mediat e Luganos bëjnë të ditur se ato janë një paralajmërim për ekspozitën e madhe nën qiell të hapur “Lugano: Riflessi di luce” (Lugano: reflektimet e dritës), e cila hapet më 17 prill dhe mbyllet më 22 shtator të këtij viti.
© albinfo.ch
Në këtë mënyrë, qyteti i Luganos do të bëhet një muze i hapur, në të cilin arti i Helidon Xhixhës hyn në dialog me hapësirën dhe natyrën urbane.
Të ngjashme
Të tjera nga Shqipëria
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj