Bateria që nuk krijon ndotje, fiton çmim në Gjenevë

Foto ilustrim (Frank Wang)

Çmimi i madh i Ekspozitës së 47-të Ndërkombëtare të Shpikjeve në Gjenevë është ndarë për një bateri të riciklueshme të makinës së litiumit, bateri kjo që nuk prodhon fare ndotje gjatë ciklit jetësor, shkruan swissinfo, përcjell albinfo.ch.

Organizatorët thanë se bateria, e zhvilluar nga kompania “GRST Holding Limited” e Hong-Kongut, “është një revolucion i vërtetë në fushën e ruajtjes së energjisë elektrike, sidomos për automjetet”.

Bateria po ashtu është më efiçiente dhe më pak e kushtueshme se bateritë e zakonshme të litiumit, dhe është plotësisht e riciklueshme, përcjell albinfo.ch.

Përbërërsit e saj, si katoda, mund të rikuperohen dhe të përdoren prapë, ndërsa trupi i baterisë, pasi të jetë konsumuar, mund të hidhet në ujë dhe nuk krijon ndotje.

Po ashtu, këtë vit u ndanë çmime edhe për 60 shpikje të tjera, nga më shumë se 1000 sa kishin aplikuar.

Kjo ekspozitë e këtij lloji, është ndër më të rëndësishmet në botë, sepse u mundëson shpikësve të paraqesin shpikjet dhe të kërkojë treg për punën e tyre.

Këtë vit, në panair kanë marrë pjesë më shumë se 800 ekspozues.