Rrëzohet një aeroplan në Maqedoni, katër persona humbën jetën

ilustrim

Një aeroplan i vogël i tipit “Cesna PN210N” është rrëzuar në Maqedoni, në lokalitetin e malit “Koka e Selanikut”, në malet e Jakupicës, përcjell portali MKD.

Sipas njoftimeve të para, me këtë aeroplan po udhëtonte një familje, e cila ka humbur jetën nga fatkeqësia fatale. Bëhet fjalë për një çift bashkëshortësh me dy fëmijë.

Aeroplani ka qenë me regjistrim gjerman dhe po udhëtonte nga Ohri drejt Sofjes. Mbetjet e tij janë gjetur në malet e Jakupicës, ndërsa MPB pritet të dalë me detaje. Aeroplani është aksidentuar si pasojë e motit të keq dhe turbulencave.

Në fillim aeroplani ishte raportuar i zhdukur.

 “Në orën 16:16 janë humbur kontaktet me avionin e tipit Cesna P210H, i cili ka fluturuar nga Ohri për në Sofje. Për shkak të kushteve të këqija të motit, piloti ka vendosur të aterojë në Shkup, ndërsa për një periudhë të shkurtër ka kërkuar leje që të vazhdojë për në Sofje”, tha drejtori i Agjencisë së Aviacionit Civil, Nikollçe Tasevski, njofton AIM, përcjell albinfo.ch.